|
Tuag nuj qeeg los tuag nuj qeeg , tis yuav huab tis yuav hais, tej kwv tij nyob kev deb , tej kwv luag nyob kev dav, tej kwv tij yuav mus xyuas tej kwv luag lawm txoj kev deb, yuav mus xyuas tej kwv luag lawm txoj kev dav , tej kwv tij ntim txuj qas zus tuaj saum txaj, ntim ci qas tshaws tuaj saum chaw, ntim txuj qas zus qaim sis qho rab qeej xyoob , ntim ci qas tshaws qaim sis qho rab qeej nyiag , tej kwv tij ntauj sis taws cuaj caum cuaj lub roob, ntauj sis taws cuaj caum cuaj lub dawm, tej kwv tij ntauj sis taws txog nram tiaj, ntauj sis taws txog nram tus, tej kwv tij cig sis yeev mus txog tej kwv luag tej tog vaj, ncig sis yeev mus txog tej kwv luag tej tog loog, tej kwv tij yuav mus qheb tej kwv luag lub qhov rooj nrug sis das, yuav mus qheb tej kwv luag lub qhov tsev nrug sis zus, tej kwv tij yuav mus hu tej kwv luag ceev li tawm tuaj nrog tej kwv luag tham sis zus los paug siab tham sis zus los phaug cev, los phaug cev , los ntawm no, los ntawm no. (Tas)
Muas tshuas lwm |
